forsíða>nýpurhyrna

Nýpurhyrna
Nýpurhyrna kallast viðburðaflétta á sviði lista og fræða sem fer fram að Nýp á Skarðsströnd og nágrenni. Verkefnin eru unnin í samstarfi við einstaklinga og stofnanir, innan héraðs og utan.

Markmið
Markmið Nýpurhyrnu er að efna til verkefna á sviði lista og fræða sem tengjast menningu og náttúrufari við Breiðafjörð og í Dölum og stuðla þannig að því að menning og náttúra svæðisins verði uppspretta nýrra verka og aflgjafi nýsköpunar.

NÝP á Skarðsströnd
Nýp á Skarðsströnd stendur við Breiðafjörð gegnt Reykhólum og er í Dalasýslu. Að Nýp er unnið að uppbyggingu lista- og fræðaseturs. Nú þegar er vísir að aðstöðu fyrir stofutónleika, smærri málþing og fyrirlestra auk aðstöðu fyrir verklegar smiðjur á sviði myndlistar, hönnunar og handverks. Leirbrennsluofn sem reistur var sumarið 2006, stendur ofan við bæjarhúsið að Nýp, en ofninn er vel fallinn til leir- og glerungabrennsl

Húsið
Steinhús var reist að Nýp árið 1936. Búskapur lagðist þar af á 7. áratug tuttugustu aldar. Húsið stóð autt og opið í tæp 40 ár og fór illa. Árið 2001 hófu nýjir eigendur að vinna að endurbótum á húsinu og standa þær enn yfir.