forsíða>verkefni>2006>málþing

29.júlí 2006
Fyrirlestrar á Nýp, svæðistengd saga

Auk tilraunasmiðju og ofnbyggingar stendur Penna sf. á Nýp, Skarðströnd, fyrir fyrirlestrum um svæðistengda sögu. Fyrirlestrarnir eru í samvinnu Penna sf. og Reykjavíkurakademíunnar.
Efni að þessu sinni er helgað frásögnum/ævisögum sem tengjast Breiðafirði og Skarðsströnd. Um er að ræða Skarðstrendingasögu Gísla Konráðssonar (1787-1877) sem er enn óútgefin, rit Friðriks Eggerz (1802–1894), Úr fylgsnum fyrri aldar I-II (Rv. 1950–1952) og ævisögu Magnúsar Blöndal Jónssonar (1861–1956), Endurminningar I-II (Rv. 1980). Friðrik Eggerz var ættaður af Skarðsströnd og var prestur þar um árabil. Magnús Blöndal var á barns- og unglingsárum að Nýp á Skarðsströnd, en foreldrar hans bjuggu þar búi.

Fyrirlesarar eru tveir; dr. Árni Björnsson þjóðháttarfræðingur og Ólafur Hannibalsson rithöfundur. Munu þeir m.a. ræða þær hugmyndir sem birtast í þessum verkum og þær myndir sem dregnar eru upp af mönnum og málefnum, fjalla um bakgrunn þeirra og velta upp tengingum þeirra við síðari tíma.
Að erindum loknum verða umræður og kaffiveitingar.

Verkefnisstjóri Sumarliði R. Ísleifsson.