forsíða>verkefni>2006>tilraunasmiðja
Ofnbygging á Nýp, Skarðsströnd
Dalasýslu
Keramik ofnbygging
Í júlí 2006 efnir Penna sf. að Nýp, Skarðströnd, í samvinnu við Myndlistaskólann í Reykjavík og Evrópuverkefnið Knowhow, til námskeiðs í byggingu keramik ofna –og tilraunasmiðju með Dalaleir og íslensk jarðefni.
Námskeiðið fer fram á Nýp, en þáttakendur eru 8 innlendir og erlendir fagmenn á sviði keramik, myndlistar og hönnunar. Sérfræðingur í byggingu keramikofna, Andres Allik frá Eistlandi hefur verið fenginn til að leiðbeina og stjórna byggingunni. Þáttakendur skiptast um að taka þátt í byggingarvinnunni, en ofninn er hlaðinn úr hitaþolnum múrsteinum.
Þess á milli gera þátttakendur tilraunir með íslenska leirinn. Bjarnheiður Jóhannsdóttir, sem hefur gert mikilsverðar athuganir á eiginleikum og samsetningu íslenskra jarðefna og leir, miðlar af þekkingu sinni á námskeiðinu auk þess sem hún verður með fyrirlestur á Nýp um rannsóknir sínar föstudaginn 14. júlí kl.17:00.
Ari Trausti Guðmundsson jarðeðlisfræðingur mun jafnframt miðla af þekkingu sinni um jarðsögu Íslands á námskeiðinu.Markmið
Markmiðið er að skapa aðstöðu til viðar-og gasbrennslu á leir með því að byggja brennsluofn á því landssvæði Íslands þar sem leirlög eru mest í jörðu. Vonast er til að það stuðli að áhuga á auknum tilraunum með leir og jarðefnum til notkunar í hönnun, keramik og myndlist á Íslandi.Myndlistaskólinn og Knowhow
Myndlistaskólinn í Reykjavík hefur nýverið kynnt menntamálaráðuneyti áform stjórnar skólans um skipulagningu náms á sviði keramik, textíl og teikningar. Í þeim áformum er m.a. lögð áhersla á tengingu við náttúru, menningu og nærtæk hráefni, auk tengingar við listaskóla í Evrópu.
Myndlistaskólinn stýrir samstarfsverkefni 6 skóla í Evróp, Knowhow, sem er stutt af Leonardo da Vinci áætlun Evrópusambandsins (sjá knowhow.is).
Verkefnið leitast við að vekja athygli á mikilvægi efnis-og verklegra námsþátta og á verkstæðiskennslu sem mikilvægum valkosti í menntakerfinu. Þáttökuskólarnir efna til ýmissa verkefna í nafni Knowhow verkefnisins og er ofnbygginámskeiðið og tilraunasmiðjan eitt slíkt.
Þátttakendur í ofnbyggingarnámskeiði og tilraunasmiðju:
Anne Thorseth, myndlistamaður Danmörk
Asa Shimada, nemandi, Japan
Bjarnheiður Jóhannsdóttir keramikhönnuður, Ísland
Egill Kalevi Karlsson iðnhönnuður, Ísland
Greg Barrett, handverksmaður, Írlandi
Ingrid Allik keramikhönnuður, Eistland
Katri Tiirikainen, hönnunarnemandi, Finnland
Hönnun og stjórn ofnbyggingar:
Andres Allik Eistland
Verkefnisstjórn:
Þóra Sigurðardóttir
Aðstoðarmenn:
Emil Ísleifur Sumarliðason
Teitur Emil Vahapassi
Sumarliði Ragnar Ísleifsson
Halla Steinólfsdóttir
Styrktaraðilar ofnbyggingar: Menningarráð Vesturlands, KM þjónustan Búðardal, Jarðefnavinnslan Þorlákshöfn, Álfaborg Reykjavík, ET flutningaþjónusta Reykjavík og Saurbæjarhreppur Dalasýslu, bændur í Ytri Fagradal, Skarðströnd.